بان كيك بدقيق الشعير صحي ومشبع
لو بتدوري على وصفة فطار صحي وسريعة، فالبانكيك ده هيعجبك جدًا. تقدري تعمليه بأي نوع دقيق صحي متوفر عندك زي دقيق الشوفان أو الشعير أو القمح الكامل، وكمان ممكن تستخدمي أي نوع حليب تفضليه. النتيجة بانكيك طري وخفيف وطعمه لذيذ جدًا خصوصًا مع النوتيلا الصحية.
مكونات بان كيك بدقيق الشعير
- كوب دقيق صحي (شوفان، شعير، قمح كامل أو أي نوع تفضليه)
- ¾ كوب حليب
- بيضة
- فانيليا
- ملعقة عسل أو أي مُحلي حسب الرغبة
- ملعقة صغيرة بيكنج بودر
- ملعقة صغيرة زبدة فول سوداني بدل الزيت
- زبدة خفيفة جدًا لدهن الطاسة
- نوتيلا صحية للتقديم
طريقة عمل بان كيك بدقيق الشعير خطوة بخطوة
- في بولة، ضيفي الدقيق الصحي مع البيكنج بودر.
- أضيفي البيضة والحليب والفانيليا والعسل.
قلّبي المكونات بالمضرب السيليكون أو بملعقة لحد ما الخليط يبقى ناعم ومتجانس.
- أضيفي ملعقة زبدة الفول السوداني وقلّبي مرة أخيرة.
- سخني طاسة غير لاصقة وادهنيها بكمية بسيطة جدًا من الزبدة.
- باستخدام كوب معياري أو مغرفة، اسكبي الخليط في الطاسة.
- متقلبيش البانكيك غير لما تلاقي فقاعات صغيرة ظهرت على الوش.
اقلبيه على الناحية التانية وسيبيه حوالي 45 ثانية لحد ما ياخد لون ذهبي خفيف.
قدميه وهو سخن مع عسل عو سيرب على الوش.
طريقة براونيز بزبدة الفول السوداني صحية
أفكار للتقديم
- شرائح موز أو فراولة
- رشة قرفة
- مكسرات مجروشة
- عسل أو زبدة فول سوداني إضافية
نصائح لنجاح البانكيك
- خلي النار هادية عشان يستوي من جوه كويس.
- متكثريش تقليب الخليط عشان يفضل البانكيك طري.
- لو الخليط تقيل جدًا ممكن تزودي رشة حليب بسيطة.
