كيك الشوفان والموز للرجيم ….كيك الشوفان بدون سكر
لو بتبحثي عن حاجة حلوة ولذيذة تنفعك في الرجيم ومتحسسكش بالذنب، يبقى كيك الشوفان والموز ده هو الحل! الوصفة دي مش محتاجة حاجات كتير، وكمان صحية لأنها مليانة ألياف وفيتامينات تفيد جسمك. الشوفان بدل الدقيق الأبيض، والموز بدل السكر، فبتبقى حلوى خفيفة ومشبعة في نفس الوقت. يلا نعرف مع بعض خطوات عمل كيك الشوفان والموز للرجيم.
طريقة عمل كيك الشوفان والموز للرجيم
المقادير
- 2 كوب شوفان مطحون
- 1/3 كوب شوفان كامل الحبة
- 2 موز كبار
- 1 معلقة عصير ليمون
- 3 معالق كبار زيت جوز الهند او اي زيت متاح
- 3 معالق كبار عسل اختياري او سكر دايت
- 200 مللي زبادي او لبن
- 2 بيضة
- 2 معلقة صغيرة بيكنج باودر
- رشة ملح
- 1 معلقة فانيليا
- 50 جرام شوكلت شيبس اختياري
الخطوات
- نهرس الموز ويفضل يكون مستوي علشان السكر يبقى مناسب ونضع عليه عصير الليمون لمنع اسوداده
- نضع البيض ومعه الفانيليا والزيت والعسل ونخلط المكونات
- ثم نضع الزبادي او اللبن بس يفضل زبادي بيدي طراوه للكيك
- ونجهز المكونات الجافة الشوفان المطحون والحبة الكاملة والبيكينج باودر والشوكلت شيبس
- ثم نضع المواد الجافة على الخليط السائل
- ندهن القالب بالزيت
- على فرن مسخن 180 لمدة 40-45 دقيقية
- نسيبها تبرد كويس علشان تعرفي تقطعيها
ملاحظات
لازم تسيبوا الكيك يبرد كويس علشان تعرفوا تقطعوه ما تتهريش منكم
س-كم عدد السعرات الحرارية الموجودة في قطعة من كعكة الشوفان؟
ج-إذا قمت بتقطيع الكيكة إلى 12 قطعة واحدة ستكون 165.5 سعرة حرارية
